Siarad yn hyderus yn gynt
Mae SaySomethingin yn debyg i hyfforddiant dwyster uchel mewn hyrddiau (high intensity interval training) ar gyfer ieithoedd. Bydd yn eich gwthio i’r eithaf – ond yr ymdrech a wnewch yn arwain at ganlyniadau’n syndod o gyflym. Gallwch ddweud eich brawddeg gyntaf (yn hyderus) mewn ychydig funudau yn unig. Yna, byddwn yn parhau i ymestyn eich geirfa a hyblygrwydd. Ac, oherwydd y technegau cof a ddefnyddiwn, hyd yn oed pan fyddwch yn cymryd seibiant o’ch dysgu, ni fyddwch yn llithro’n ôl.
Rhodd Iaith
Beth am roi tanysgrifiad SaySomethingin i rywun trwy brynu tocyn anrheg? Chi sy’n dewis hyd y tanysgrifiad a thalu amdano. Byddwch yn derbyn dolen a chod trwy e-bost y gall y derbynnydd glicio arno i ddechrau eu tanysgrifiad.
Leithoedd y gallwch eu dysgu trwy gyfrwng y Saesneg
Rydym yn ychwanegu ieithoedd newydd drwy’r amser, felly daliwch i sbio!
Cymraeg
Sbaeneg
Ffrangeg
Eidaleg
Ffinneg
Mandarin
Swedeg
Siapaneg
Almaeneg
Portiwgaleg
Newid eich ymennydd yn gorfforol
Mae SaySomethingin yn gweithio oherwydd ei fod yn ysgogi’ch ymennydd mewn ffyrdd priodol i greu a chryfhau synapsau newydd – sef y cysylltiadau rhwng niwronau sy’n gyfrifol am y rhan fwyaf o ddysgu. Fyddwch chi ddim yn ymwybodol o hyn nes i chi ddechrau cael y profiad rhyfedd ond hwyliog o eiriau newydd yn ‘ffrwtian yn eich ymennydd’, fel y cafodd ei ddisgrifio gan ein dysgwyr. Y cyfan sy’n rhaid i chi ei wneud yw dilyn yr ap. Byddwn ni’n gofalu am y gweddill.
Mae’n addasu gyda chi, ac i chi
Mae wastad groeso ichi ofyn am ychydig mwy o ymarfer os oes rhywbeth yn anodd, ac mae modd ichi neidio ymlaen os yw ychydig yn rhy hawdd – rydyn ni’n talu sylw i’r hyn rydych chi’n ei wneud, a bob amser yn mireinio eich taith ddysgu – rydym yn ceisio ffeindio’r lefel berffaith sydd ychydig tu hwnt i’r man lle rydych yn gysurus – lefel sy’n ddigon i’ch herio a sicrhau eich bod yn parhau i ddysgu’n gyflym, ond lle cewch hefyd ddigon o lwyddiant i deimlo’n gyffrous am yr hyn yr ydych yn ei gyflawni.
